Թիվ 119 դպրոցի շրջանավարտներն ստացել են Ֆրանսիայի ավարտական վկայականներ

Վերոնշյալ կրթական ծրագրերով ուսումնառություն ստացած առաջին շրջանավարտները ՀՀ կրթության և գիտության նախարարությունում ստացել են Ֆրանսիայի ավարտական վկայականներ։ Միջոցառմանը մասնակցել են ՀՀ կրթության և գիտության նախարար Լևոն Մկրտչյանը, ՀՀ-ում Ֆրանսիայի արտակարգ և լիազոր դեսպան Ժան-Ֆրանսուա Շարպանտյեն, Երևանի թիվ 119 դպրոցի մանկավարժները, ծնողներ, աշակերտներ և այլն:

 

Ողջույնի խոսքում նախարար Լևոն Մկրտչյանը նշել է. «Այսօր շատ հաճելի ու կարևոր պահ է մեզ համար: Նախ՝ ճանապարհ ենք դնում մեր առաջին սերունդը, որն արդեն ունի Ֆրանսիայի կողմից հաստատագրված որակի չափանիշ, երկրորդ՝ կրթության ոլորտում Ֆրանսիայի հետ մեր համագործակցությունն ընդլայնում ենք ոչ միայն զարգացնելով ֆրանսերենի խորացված ուսուցմամբ դպրոցները, այլև հետևողական ջանքեր գործադրելով վկայականների ճանաչման ուղղությամբ»:

 

Աղբյուրը՝ Edu.am