Պարգևատրվել են ևս մի խումբ մանկավարժներ

Մի խումբ ուսուցիչներ պարգևատրվել են ՀՀ ԱԺ նախագահի և ՀՀ վարչապետի  հուշամեդալներով: Շնորհավորելով հանրապետության բոլոր մանկավարժներին մասնագիտական տոնի առթիվ՝ նախարար Լևոն Մկրտչյանը կարևորել է նմանատիպ միջոցառման անցկացումը:

 

«Ուսուցչի հիմնական պարտականությունը տեսակի շարունակությունն է: Ինչպես նշել է ֆրանսիացի հայտնի փիլիսոփա Գյուստաֆ Լեբոն, ողջերի իրական տերը մահացածներն են: Երբ մենք մեծարում, կարևորում և արժևորում ենք անցյալը և մեր հերոսներին, ապա ապագային և մեր երազանքի կատարմանը կարող ենք նայել ավելի հպարտ հայացքով:

 

Հատուկ շնորհակալություն եմ հայտնում բոլոր այն ուսուցիչներին, որոնք կարողանում են այս կարևոր գաղափարախոսությունը մեր դպրոցներում պահել, պահպանել և փոխանցել սերունդներին»,-նշել է Լևոն Մկրտչյանը:

 

Աղբյուրը՝ Edu.am