Միջոցառում Վարդենիսի ավագ դպրոցում

Այսօր` հոկտեմբերի 7-ին Վարդենիսի Հ. Համբարձումյանի անվան ավագ դպրոցում տեղի ունեցավ ևս մեկ միջոցառում նվիրված ուսուցիչների միջազգային օրվան: Տարվա մեջ ուսուցչի օրը մի յուրօրինակ առիթ է երախտագիտության ու շնորհակալության խոսքեր հայտնելու ուսուցիչներին, գնահատելու և մեծարելու նրանց վաստակը սերունդներին կրթելու գործում: Այս անգամ միջոցառումը կազմակերպել էր 8ա դասարանը, դասարանի ավագ Արթուր Բաղդասարյանի գլխավորությամբ: Միջոցառումը հագեցած էր ողջյունի և շնորհակալական խոսքերով` շնորհավորում էին ուսուցիչներին մասնագիտական տոնի կապակցությամբ, մաղթում ուժ և կորով: Միջոցառման մասնակիցները գիտակցում էին, որ մանկավարժը յուրաքանչյուր օր պատասխանատվության մեծ գիտակցումով է մոտենում իր գործին` մանկավարժի բարձր կոչմանը` իր գիտելիքները, ստեղծագործական ողջ ներուժն ու հոգու ջերմությունն ամբողջությամբ նվիրելով իրենց կրթության և դաստիարակության սուրբ գործին: Շնորհակալական խոսքը ուղեկցվում էր պարային բեմադրությամբ, երգով, ինչպես նաև հումորով, որը գոհունակության ժպիտներ պարգևեց բոլոր ներկաներին: Պատրաստեց` Շողեր