Ուսուցչի տոն: Ինքնակառավարման օր:

Վանաձորի Մովսես Խորենացու անվան թիվ 17 ավագ դպրոցում հոկտեմբերի 5-ին, ավանդույթի համաձայն, կազմակերպվել էր ինքնակառավարման օր. դպրոցի աշակերտները ղեկավարում էին դպրոցը: Նույն օրը կազմակերպվել էր նաև <<Մաշտոցից մինչ օրս>> խորագրով միջոցառում՝ նվիրված ուսուցչի օրվան: Միջոցառումը կազմակերպել էր դաստիարակչական գծով փոխտնօրեն Վարդուհի Սիմոնյանը: Մասնակցում էին դպրոցի շնորհալի սաները: Հրավիրված էին ուսուցիչներ, ծնողներ: Աշակերտները երգով, պարով, ասմունքով շնորհավորեցին ուսուցիչներին: Դահլիճը գեղեցիկ զարդարված էր, հանդիսատեսը բարձր տրամադրություն ուներ: <<Ամենակարևոր երևույթը դպրոցում, ամենաուսուցանող առարկան, ամենալավ կենդանի օրինակը. այս ամենն ամբողջանում է ուսուցչի մեջ>>: (Ադոլֆ Դիստերվեգ)