Միջոցառում՝ Ստեփանավանի թիվ 1 դպրոցում

Բաց դասին ներկա էին դպրոցի տնօրենը, փոխտնօրենները, առարկայական մասնախմբերի ղեկավարները, դասղեկը և ուսուցիչներ: Դասին հրավիրվել էին նաև դպրոցի 5-րդ դասարանի աշակերտները:

Աշակերտները ֆիզիկայի ուսուցչուհի Հերիքնազ Սահակյանի հետ ընտրել էին  տեսական նյութ Երկիր մոլորակի պատմության, կենսագործունեության մասին: Դասի ընթացքում այդ պատմությունները ուղեկցվում էին համապատասխան տեսանյութով, Հովհ. Թումանյանի բանաստեղծությունների ասմունքով և երաժշտությամբ:

«Կա՜նգ առեք մարդիկ, ձեր փորձարկած ատոմային ռումբերը, ինչպես նաև անթիվ, անհամար պատերազմների բերած արհավիրքները ցավ են պատճառել ոչ միայն մարմնիս, այլև կրակե հոգուս: Կա՜նգ առեք մարդիկ, ես` Երկիր մոլորակս, նոր աղետներ չեմ ուզում»:

Կոչը հնչեց Գրիշա Թադևոսյանի շուրթերից, որը կոչ է  բոլորին` համայն մարդկությանը` փրկելու, պաշտպանելու Երկիր մոլորակը:

Դասի վերջում 9-րդ դասարանի աշակերտները իրենց ձեռքերով բարձրացրին Երկիր մոլորակը` գլոբուսի տեսքով, իսկ այնուհետև այդ «մոլորակը» հանդիսավոր հանձնեցին դպրոցի 5-րդ դասարանցիներին` որպես իրենց փոխարինողների: