Դաս-ցերեկույթ` նվիրված անկախության 25-ամյակին

Սևան քաղաքի Մեսրոպ Մաշտոցի անվան N1 հիմնական դպրցում անկախության 25-րդ տարեդարձին նվիրված միջոցառումների ու հանդեսների անցկացման առաջնեկը 9ա դասարանում պատմության դասաժամին կազմակերպված դաս-ցերեկույթն էր: Պատմության ուսուցչուհի Ս. Գևորգյանը դասը վարեց հետաքրքիր ձևով և 9-րդ դասարանցիների հետ միասին աշխատանքը հետաքրիր լուծում գտավ: Դասը ինտեգրված Էր բոլոր առարկաներով: Անկախությանը նախորդած մեծ ու փոքր իրադարձությունները, քաղաքական իրավիճակը վեր հանվեցին աշակերտների միջոցով, ուսուցչուհու մեջբերումներով և աշակերտներին լրացնող խոսքերով, դիդակտիկ և համակարգչային նյութերի, վավերագրական ֆիլմերի ցուցադրմամբ: Անկախությունը ոչ միայն որպես ընծա, այլ նախ և առաջ ժամանակի պահանջ ու կանխատեսելի քայլ ներկայացնելով, ևս մեկ անգամ շեշտվեց այն հնարավոր դժվարությունների մասին, որոնք ուղեկցել են մեր ժողովրդին և շարունակում են մինչև օրս: Դաս-ցերեկույթի ամենահուզիչ պահը Արցախյան պատերազմում զոհված 37 սևանցիների և ապրիլյան պատերազմում զոհված 40 զինվորների նկարներն էին, որնոք փակցված էին ՀՀ դրոշի մոտ և հյուրերը, աշակերտներն ու ուսուցիչները խոնարհվում էին նրանց առաջ` անթաքույց հուզմունքով: Մեկ րոպե լռությամբ մասնակիցները հարգանքի տուրք մատուցեցին զոհվածների հիշատակին, հասկանալով և գիտակցելով, որ ապրողներս ընկածների պարտապանն ենք… Անկախության 25-ամյակին նվիրված միջոցառումների շարքը դպրոցում շարունակական է: ՀՀ Գեղարքունիքի մարզի Սևանի Մեսրոպ Մաշտոցի անվան N1 հիմնական դպրոցի ուսումնական աշխատանքների գծով տնօրենի տեղակալ` Լ. Ներսիսյան