Միջոցառում՝ Խ. Աբովյանի անվան թիվ 1 դպրոցում

Դաս-միջոցառումն ուներ «Տոնական սեղանի սպասքադրում և հյուրընկալություն» խորագիրը: Միջավայրը գունագեղ էր՝ ծննդյան օրվա վառ տրամադրությամբ, երաժշտական, թրթիռներով լեցուն: Աշակերտները տեսական գիտելիքները հմտորեն ցուցադրում էին գործնականում. ամեն ինչ պարզ էր և բնական: Դասը և իրականությունը գիրկընդխառն էին և ամենակարևորը՝ նրանք երջանիկ էին:

Տեխնոլոգիայի ուսուցիչներ Նունե Բադղասարյանի և Նունե Քամալյանի միջոցառումները դպրոցի կրթական գործընթացին միշտ էլ տալիս են թեթև, մեղեդային, գունեղ արտահայտություն, ընդգծում մարդկային հարաբերությունների ներդաշնակության մեջ մարդու բարեկիրթ լինելու գործոնը: