Կրթության ոլորտը Հանրային խորհրդի օրակարգում

Նախարար Լևոն Մկրտչյանի հետ հանդիպման ընթացքում քննարկված ամենահրատապ հարցերից մեկը եղել է հանրակրթությունը, մասնավորապես՝ ավագ դպրոցին առնչվող մտահոգությունները, կրթական ծրագրերի բովանդակային կողմը և այլն:

 

Լևոն Մկրտչյանը նախ ինքն է խորհրդի անդամներին ներկայացրել իր մտահոգություններն ու առաջիկա անելիքները՝ անդրադառնալով ավագ դպրոցի կայացման, բարձրագույն կրթության, մասնավորապես՝ մագիստրատուրայի, գիտական աստիճանաշնորհման և այլ խնդիրներին:

 

Ընդգծվել է առհասարակ կրթական համակարգում ֆիզիկամաթեմատիկական ուղղությունը զարգացնելու անհրաժեշտությունը: Քննարկվել են նաև հարցեր ուսուցիչների վերապատրաստման, դասավանդման պրոցեսում նորագույն տեխնոլոգիական մեթոդների կիրառման և այլ խնդիրների մասին:

 

Խորհրդի անդամները մի շարք առաջարկներ են ներկայացրել նախարարին՝ հույս հայտնելով, որ նախարարությունն իր հետագա գործունեության ընթացքում հաշվի կառնի դրանք:

 

Աղբյուրը՝ Edu.am