ԿԳ նախարարն ընդունել է ֆրանսիական պատվիրակությանը

Ողջունելով հյուրերին՝ ԿԳ նախարարն ընդգծել է, որ հայ-ֆրանսիական բարեկամական հարաբերությունների մեջ կրթության ոլորտի համագործակցությունը մեծ տեղ է զբաղեցնում:

 

Հանդիպման ընթացքում ԿԳ նախարարը Ֆրանսիայի խորհրդարանականներին ներկայացրել է Հայաստանի կրթական համակարգը և ոլորտի քաղաքականությունը:

 

«Հայ ժողովուրդն իր ողջ պատմության ընթացքում անընդհատ շփվել է տարբեր քաղաքակրթությունների հետ, և մենք շատ լավ ենք հասկանում, որ քաղաքակրթությունների և մշակույթների երկխոսությունը սկսվում է կրթությունից, և վարում ենք բաց կրթական քաղաքականություն»,- նշել է Լ. Մկրտչյանը:

 

Հանդիպման ընթացքում անդրադարձ է եղել նաև կրթության ոլորտի սոցիալական խնդիրներին, դրանց լուծման ուղղությամբ առկա և նախատեսված ծրագրերին:

 

Աղբյուրը՝ Edu.am