Սենեգալի կառավարությունը հետաքրքրված է Dasaran կրթական ծրագրով

1-ին տեղակալի այցելության գլխավոր շարժառիթը Սենեգալի ազգային կրթության նախարարության ցուցաբերած հետաքրքրությունն էր Dasaran կրթական մոդելի նկատմամբ: Հանդիպման սկզբում պարոն Ուսման Սոուն շրջեց կրթական կենտրոնում և ծանոթացավ թիմի հետ:

 

Այնուհետև հյուրին ներկայացվեց Dasaran-ի յոթնամյա գործունեությունը, ընթացիկ և առաջիկա անելիքները, մշակած էլեկտրոնային մասնագիտացված հարթակն ու գործիքները, մասնավորապես՝ դպրոցների կառավարման և վիճակագրական վերլուծության համակարգերը:

 

Dasaran-ի ստեղծած դպրոցների կառավարման էլեկտրոնային համակարգն արժանացավ պարոն Ուսման Սոուի հավանությանն ու բարձր գնահատանքին: 1-ին տեղակալն իր հերթին խոսեց Սենեգալի կրթական ոլորտի և այդ ոլորտն արդիականացնելու, տեղեկատավական տեխնոլոգիաներով հագեցնելու նպատակի մասին:

 

Հանդիպման ավարտին պարոն Սոուն խոստացավ Սենեգալ վերադառնալուն պես հանդիպման արդյունքները ներկայացնել նախարարին և քննարկել  Dasaran կրթական ծրագիրը Սենեգալում ներդնելուն ուղղված անհրաժեշտ քայլերը: