Բաց դաս` նվիրված Միխայիլ Միխայլովիչ Պրիշվինի ծննդյան 140-ամյակին

Դասն անցկացվում էր չորրորդ հանրապետական փառատոնի շրջանակներում՝ «2013 թվականի գրականության հոբելյանները»:

Դասի նպատակն էր՝ ծանոթացնել Մ.Պրիշվինի կյանքին ու գործունեությանը, ստեղծագործություններին, նկարագրել մարդու և բնության հարմոնիան և գիտակցել բնության փիլիսոփայական գիտակցումը գրականության մեջ, ռուս մշակույթի արժեքների գիտակցումը համաշխարհային կոնտեքստի մեջ, ձգտում դեպի ինքնակրթությունն և ինքնազարգացումը, աշակերտների խոսքի զարգացում:

Դասի ընթացքում աշակերտները ներկայացրին Մ.Պրիշվինի կյանքը, նրա ընտանիքը: Խոսեցին նրա գործունեության, ճանապարհորդությունների, բնության ու կենդանիների հանդեպ ունեցած սիրո մասին: Ցուցադրվեց «Power Point» ծրագրով պատրաստած շնորհանդես և վահանակ՝ նվիրված Մ.Պրիշվինին:

Աշակերտները պատրաստել էին գրքույկներ՝ նվիրված գրողի ծննդյան 140 ամյակին: Ներկայացվեցին ասացվածքներ բնության մասին, ընթերցվեցին Կոնստանտին Պաուստովսկու ասույթներ` նվիրված Մ.Պրիշվինին: Լուծեցին խաչբառ Մ.Պրիշվինի պատմվածքների վերնագրերի միջոցով և նշված վանդակներում ստացան հեղինակի ազգանունը:

Դասի ընթացքում հնչում էր Ֆ.Շոպենի «Գարնանային վալս» ստեղծագործությունը: Ընթերցվեցին փոքրիկ հատվածներ նրա պատմվածքներից:

Դասը հետաքրքիր էր, բովանդակալից, կրում էր դաստիարակչական բնույթ, որը կնպաստի աշակերտների  ինքնազարգացմանը: