Սփյուռքահայ ուսուցիչների վերապատրաստման ծրագրին մասնակցում է 17 երկրից 73 ուսուցիչ

Այս տարի ուսուցիչներ են մասնակցում ԱՄՆ-ից, ԱՄԷ-ից, Արգենտինայից, Ավստրալիայից, Դանիայից, Էստոնիայից, Թուրքիայից, Լիբանանից, Նիդերլանդներից, Ռուսաստանից, Հորդանանից, Սիրիայից, Ուկրաինայից, Վրաստանից, Ֆինլանդիայից, Ֆրանսիայից:

Առավել մեծաթիվ պատվիրակությունը Թուրքիայից է` 15 ուսուցիչ: Նախորդ տարի Թուրքիայից ծրագրով վերապատրաստվել է ընդամենը 2 ուսուցիչ:

Այս տարի նախատեսված է վերապատրաստում վեց ուսումնական խմբում` մանկապարտեզի, տարրական ուսուցման, մեկօրյա դպրոցների, հայոց լեզվի ու գրականության դասավանդման, կառավարման և լրացուցիչ կրթության կազմակերպման ուղղություններով:

Դասընթացների ավարտին ուսուցիչներին կտրվեն ՀՀ կրթության և գիտության նախարարության ու Կրթության ազգային ինստիտուտի վկայագրեր:

Աղբյուրը՝ Panorama.am