Երևանում կկառուցվի տարածաշրջանում առաջին մասնագիտությունների քաղաքը երեխաների համար

««ՍիթիԶեն» մասնագիտությունների քաղաքն առաջին նմանատիպ նախագիծն է ոչ միայն Հայաստանում, այլև ողջ տարածաշրջանում։ Մենք շատ ուրախ ենք «Մաստերսլավլ»-ի հետ համագործակցության, edutainment (կրթություն և զվարճանք) գաղափարի՝ Հայաստանում համատեղ տարածման և «Մաստերսլավլ»-ի մասնագետների՝ երեխաների հետ աշխատանքի հարուստ փորձի օգտագործման հնարավորության համար։

Կենտրոնը նախատեսված է 4-14 տարեկան երեխաների համար, և առաջին իսկ տարում նախատեսում ենք հյուրընկալել 50.000-ից ավել այցելուների»,- նշել է նախագծի ղեկավար Արեն Ապիկյանը։

««ՍիթիԶենը» կարող է դառնալ լրացուցիչ կրթության գաղափարի մի մասը, որն իմ կարծիքով անհրաժեշտ է երեխաներին։ Նմանատիպ նախագծերն առաջին հերթին միտված են երեխայի անհատականության զարգացմանը...»,- ավելացրել է «Մաստերսլավլ»-ի հիմնադիր Վիտալիյ Սուրվիլլոն: