«Եթե մեկ անգամ հաղթում ես, պետք է անընդհատ հաղթես…». Լևոն Մկրտչյան

Շնորհավորելով օլիմպիադայի հաղթողներին՝ ԿԳ նախարարը նշել է. «…Որպես օլիմպիական շարժման ջահակիրներ՝ դուք ձեր հաղթանակների լույսը պետք է փորձեք տարածել ձեր շուրջը: Դուք մեր հանրապետության ապագան եք, և ես վստահ եմ, որ այն խնդիրները, որոնք այսօր լուծված չեն, լուծվելու են ձեր կողմից:

Մեր ազգային մեծ երազի ճանապարհին դուք ունեք կարևոր անելիք, որովհետև դուք արդեն հաղթող եք և պարտավորություն ունեք գնալ հաղթանակի ճանապարհով՝ ձեզ հետ միասին տանելով ձեր կողքին գտնվող ընկճված ու հուսահատված ընկերոջը: Եթե մեկ անգամ հաղթում ես, պետք է անընդհատ հաղթես՝ սա իմ գլխավոր մաղթանքն է ձեզ»,- նշել է Լևոն Մկրտչյանը:

Այս տարի դպրոցականների առարկայական օլիմպիադաների հանրապետական փուլին մասնակցել է ՀՀ բոլոր մարզերի, Երևանի և Լեռնային Ղարաբաղի 1492 դպրոցական: Նրանցից 74-ն արժանացել են առաջին կարգի, 105-ը՝ երկրորդ կարգի, 136-ը՝ երրորդ կարգի դիպլոմների:

Աղբյուրը՝ Edu.am
Նկարը՝ Panorama.am