Հայ աշակերտները՝ մրցանակակիրներ

Ցուցահանդեսին մասնակցել է 77 երկիր, ներկայացվել է 18075 աշխատանք: 11292 աշխատանքից 539-ն արժանացել է տարբեր տեսակի մրցանակների: Այս տարվա գլխավոր մրցանակը տրվել է չեխական դպրոցներից մեկին:

 

Հայաստանի երեխաներն այս տարի նույնպես արժանացել են բազմաթիվ մրցանակների: «Լիդիցեի վարդ» մեդալին վերստին արժանացել է Դիլիջանի Շարամբեյանի անվան մանկական գեղարվեստական դպրոցը:

 

Առանձին մեդալի է արժանացել դպրոցի 12-ամյա սան Միլենա Քոչարյանը: Դպրոցը ներկայացված էր իր հետևյալ սաների աշխատանքներով՝ Աստղիկ Աբովյան (7 տարեկան), Մելինե Բադալյան (16), Գառնիկ Պապյան (11 տարեկան), Կարեն Սարգսյան (11 տարեկան) և Աննա Թամամյան (11 տարեկան):

 

Պատվոգրի է արժանացել Մարգահովիտի կրթական, սպորտային և մշակութային համալիրի 7-ամյա սան Լիլիթ Խարաթյանը: Մեդալներն ու պատվոգրերը կուղարկվեն Հայաստան և հանդիսավոր պայմաններում կհանձնվեն հաղթողներին:

 

Աղբյուրը` 168.am