2013թ. Երևանի բոլոր դպրոցները կստանան 20 մեգաբիթ արագությամբ ինտերնետ

Նա նաև տեղեկացրեց, որ Աբովյան քաղաքի դպրոցները ևս արդեն ունեն ինտերնետին միանալու հնարավորություն: 

 

«Մենք ամեն ինչ անելու ենք՝ աջակցելու կրթական ոլորտին՝ IT դասընթացների կազմակերպում, թրեյնինգներ, ուսուցիչների վերապատրաստում, ինչը կրելու է շարունակական բնույթ»,- խոստացավ նա՝ հայտնելով, որ այս ամսվանից սկսած՝ փուլ առ փուլ այդ գործընթացները կյանքի կկոչվեն: 

 

Արմեն Աշոտյանն իր խոսքում գոհունակությամբ նշեց, որ «Յուքոմը» կրթության նկատմամբ դրսևորում է հատուկ ուշադրություն՝ մատակարարելով գերարագ ինտերնետ նույն սակագնով, ինչով պարտավորվել էր մատակարարել ավելի դանդաղ ինտերնետ: 

 

«Մեզ համար սա անչափ ուրախալի լուր է: Տեխնոլոգիաները շատ արագ են զարգանում, ու կարևոր է, որ դպրոցներում համապատասխան տեխնիկական միջոցները լինեն խիստ արդիական,- նկատեց ԿԳ նախարարը:- Հենվելով արդեն այս նախաձեռնության վրա` կկարողանանք ավելի հավակնոտ լինել թե այս տարի, թե գալիք տարի նախատեսվող էլեկտրոնային կրթական ծրագրեր իրականացնելու, հատկապես` հայալեզու էլեկտրոնային գերժամանակակից միջավայր ստեղծելու հարցում»,- համոզմունք հայտնեց Արմեն Աշոտյանը: 

 

Իր խոսքում ԿԳ նախարարը նաև ցանկություն հայտնեց, որ Հայաստանի շուրջ 4000 հարկատուներն իրենց իրական հնարավորությունների համաձայն` կրթության ոլորտում կիրականացնեն ներդրումներ և կունենան սոցիալական պատասխանատվության ծրագրեր՝ դառնալով բիզնես-մշակույթի մաս:

 

«Շատ կարևոր է, որ վերջիններս հասկանան` կրթությունը պահանջում է ներդրումներ, որոնց բեռը պետության հետ միասին պետք է կիսի նաև մասնավոր հատվածը»,- հավելեց ԿԳ նախարարը: 

 

Աղբյուրը` 1in.am