ԵՊՀ-ն ընդլայնում է համագործակցության շրջանակը

Համագործակցության ուղղություններից են՝ գիտական և մանկավարժական բարձր որակավորում ունեցող կադրերի պատրաստում, բարձրագույն կրթությամբ մասնագետների պատրաստում, հումանիտար և հասարակական գիտությունների հետազոտություն և այլն:

 

Համագործակցությունն իրականացվելու է ինչպես կադրերի փորձի փոխանակման ծրագրերի միջոցով, այնպես էլ երկկողմ կրթական ծրագրերի մշակմամբ ու իրականացմամբ: Տեղի են ունենալու նաև համատեղ սեմինարներ, կրթական և գիտական նախագծեր:

 

«Ես իսկապես շատ ուրախ եմ, որ մեր համագործակցությունը շարունակվում է: Այսօր մենք հնարավորություն ունենք առանձնացնելու այն հիմնական ուղղությունները, որոնք առավել արդյունավետ կդարձնեն մեր համագործակցությունը»,-նշել է Մոսկվայի քաղաքային մանկավարժական համալսարանի ռեկտոր Ալեքսեյ Սեմենովը:

 

Աղբյուրը՝ Ysu.am