Հեռախոսները կկարողանան բույր արձակել

Նոր վարդակը սմարթֆոնին է միանում որպես լիցքավորման սարք։ Հավելվածի հրահանգով օդում տարածվում է համապատասխան բույրը։ Այն հեռախոսով ուղարկելու համար պետք է սեղմել Puff կոճակը, որը կլուսավորվի էկրանին։

Հոտերը կարելի է օգտագործել նաև խաղերի ժամանակ։ Օրինակ՝ հավելվածը կարող է արձակել վառոդի հոտ՝ խաղի ազդեցությունն ուժեղացնելու համար։ Smell-օ-Vision վարդակն օգտակար կլինի նաև հեռախոսով տեսանյութ դիտելիս։ Դրա օգնությամբ կարելի է զգալ էկրանին հայտնված ծաղիկների կամ սննդի բույրերը։

Հավելվածն առայժմ հասանելի է միայն iPhone օգտագործողներին: Սակայն, ինչպես պնդում են մշակողները, սեպտեմբերին կթողարկվի սարքավորում նաև Android օպերացիոն համակարգով աշխատող սմարթֆոնների համար։

Աղբյուրը՝ Daily Mail