Նշվեց բանաստեղծուհի Մ. Մարգարյանի ծննդյան 100-ամյակը

Ս/թ մայիսի 2-ին Վանաձորի Մովսես Խորենացու անվան թիվ 17 ա/դ գրական ցերեկույթ էր կազմակերպվել՝ բանաստեղծուհի Մարո Մարգարյանին 100 ամյակին նվիրված: Դպրոցի 8-րդ դասարանի աշակերտները ներկայացրեցին գրողի կյանքը, ստեղծագործական ուղին, կարդացին բանաստեղծություններ և մեծերի խոսքերը գրողի մասին: Չնայած այն հանգամանքին, որ հեղինակը դպրոցական ծրագրի շրջանակից դուրս էր, աշակերտները մեծ ոգևորությամբ և սիրով ներկայացրեցին բանաստեղծուհու ստեղծագործությունները և հանդիսատեսին փոխանցեցին հեղինակի շունչն ու հոգին: Մ. Մարգարյանի բանաստեղծությունների հիմնական թեման հայրենիքն է, սերը, մարդկային փոխհարաբերությունները... «Մտերմություն», «Մոր ձայնը», «Փշատենի», «Լիրիկական լուսաբաց», «Ձնհալից հետո», «Լցված լռություն» և այլն։ Այսօր նրա ստեղծագործությունները շարունակում են հուզել մարդկանց՝ պարգևելով մարդասիրության, հայրենասիրության և առաքինության անհրաժեշտ դասեր: Գրական ցերեկույթը կազմակերպել էր դպրոցի հայոց լեզվի և գրականության ուսուցչուհի Անահիտ Քոչարյանը: