Կայացել է հերթական աշխատանքային հանդիպումը

Ողջունելով հյուրերին` նախարարը կորևորել է այն հանգամանքը, որ ԽԿ-ի կամավորներն ավելի քան 20 տարի է, ինչ մեր հանրապետության տարբեր մարզերում նպաստում են անգլերենի ուսուցման և ուսուցիչների վերապատրաստման գործընթացին:

 

«Կոնկրետ կրթական, երիտասարդական ծրագրերին աջակցելուց բացի, կարծում եմ, մեկ այլ կարևոր առաքելություն են իրականացնում «Խաղաղության կորպուսի» կամավորականները. նրանք իրենց գործունեությամբ նպաստում են  կամավորականության և հանդուրժողականության  մշակույթի տարածմանը»,-նշել է Լևոն Մկրտչյանը:

 

Նշվել է նաև, որ հեռահար ուսուցման ծրագրի շնորհիվ հանրապետությունում վերապատրաստման դասընթացներ են անցել անգլերեն դասվանդող ավելի քան 100 ուսուցիչ:

 

Հանդիպման ընթացքում, հաշվի առնելով հանրապետության կրթական համակարգի կարիքները, նախարար Լևոն Մկրտչյանն առաջարկել է ճշգրտել առաջնահերթություններն ու գործունեության ուղղությունները առաջիկայում աշխատանքներն առավել համակարգված կազմակերպելու համար:

 

Աղբյուրը՝ Edu.am