,, Տիեզերագնացության օր''

Արմավիրի մարզի Ակնալճի Արա Հարությունյանի անվան միջնակարգ դպրոցի V ա դասարանում անցկացվեց բաց դաս-միջոցառում՝ «Տիեզերագնացության օրը» թեմայով: Տիեզերագնացության զարգացման պատմությունը և ներկայիս նշանակությունն ու կիրառությունը ներկայացրեց բնագիտության ուսուցչուհի Կ. Հակոբյանը: Փոքրիկ բնագետներն առանձին-առանձին ներկայացրեցին ԽՍՀՄ-ում տիեզերագնացության զարգացման պատմությունը և ներկայումս գործող ծրագրերի արդիականությունն ու անհրաժեշտությունը: Աշակերտներն ուսուցչուհու օգնությամբ ընտրել էին բավական լուրջ թեմաներ: Դասն արժեքավոր և ուսանելի էր և' իր պատմական տեղեկատվությամբ, և' ինֆորմացիայով, և' երևույթների ճշգրիտ ներկայացմամբ: Խոսվեց «Վուտոկ» տիեզերանավի և կոնստրուկտորի, «Ապոլոն»-ի, «Սոյուզ Ապոլոնի»-ի, բազմակի օգտագործման «Շաթլ» տիեզերանավերի, «Սքայլեր» երկնային լաբորատորիայի, ներկայումս գործող միջազգային տիեզերակայանի մասին: Պատրաստված էին պաստառներ՝ տիեզերագնացության օրվան նվիրված, «Ինչուների մոլորակ» հաղորդմանը համահունչ, տիեզերական երաժշտության հնչյունների ներքո: Դասը հետաքրքիր էր և ուսանելի: