Մեզ բացակա չդնեք...

Արճիսի միջնակարգ դպրոցում հուշ-ցերեկույթ էր` նվիրված արցախյան քառօրյա պատերազմի նահատակներին: Նախ մեկ րոպե լռությամբ հարգեցին հարկադրված պատերազմում նահատակվածների հիշատակը: Նահատակներ, որոնք դաստիարակվել են Խորենացու, Եղիշեի, Աբովյանի, Րաֆֆու, Դեմիրճյանի պատմություններով, որոնց երակներում հոսում է Մեծն Նժդեհի, Անմահ Մոնթեի, Թաթուլի և մյուս քաջ հայորդիների արյունը: Նրանք հերոսությամբ գերազանցեցին արցախյան պատերազմում հաղթած իրենց հայրերին: Սրտառուչ և հուզիչ խոսքեր հնչեցին նրանց կատարած գործի, նրանց հերոսության մասին: Բոլորը գլուխ խոնարհեցին մեր առյուծասիրտ հերոսների և նման քաջեր ծնած մայրերի առջև: Հուզիչ երաժշտություն, երգեր և բանաստեղծություններ հնչեցին նրանց հիշատակի հավերժացման համար: