Միջոցառում՝ Հ. Համբարձումյանի անվան ավագ դպրոցում

Ավագ դպրոցի սաները գիտակցում և հասկանում են, որ մեր երկրի պատմությունը մեր իսկ կենսագրությունն է, և այն ամենը, ինչ հազարամյակների ընթացքում կրել է մեր երկիրը, կամա թե ակամա արտացոլված է մեր էության, մեր նկարագրի, մեր կենսակերպի մեջ: Ահա թե ինչու մեր ակունքները իմանալու, մեր անցած ճանապարհը հասկանալու համար պարտավոր ենք նախ և առաջ շերտ առ շերտ ճանաչել հայրենի հողն ու բնությունը և դրանք հավերժ կրել մեր մտքի ու սրտի մեջ: Բայց, այնուամենայնիվ, յուրաքանչյուր ժողովուրդ, այդ թվում նաև հայերը, հայրենի հողից բացի ունի իր լինելիությունը պայմանավորող այլ գործոններ, որոնք ձևավորում են նաև նրա արժեքային համակարգը և մտային կարողությունները: Մեր լինելիության, մեր գոյատևման կարևոր հենասյուներից է մեր լեզուն և վաստակաշատ բանասեր Ռաֆայել Իշխանյանը նշել է. «Իրոք, հայոց լեզուն հայ ժողովրդի հեռավոր անցյալի բանալին է»: