ՀՀ ԿԳՆ պատվիրակությունն այցելել է ԳԴՀ

Պատվիրակության կազմում են եղել Կրթության ազգային ինստիտուտի փոխտնօրեն Ա. Բախշյանը, ԿԳն բարձրագույն և հետբուհական մասնագիտական կրթության վարչության պետ Ռ. Սուքիասյանը, բարձրագույն և հետբուհական մասնագիտական կրթության, իրավաբանական և հասարակայնության հետ կապերի և տեղեկատվության վարչության աշխատակիցներ: 

 

Այցի նպատակն էր ծանոթանալ Գերմանիայի բարձրագույն կրթական համակարգին, իրականացնել փորձի փոխանակում երկու երկրների միջև: Ներկայումս մշակվում է «Բարձրագույն կրթության մասին» ՀՀ օրենքի նախագիծը, և հայկական պատվիրակությանն առավելապես հետաքրքրել է Գերմանիայի բարձրագույն կրթության ոլորտը կարգավորող օրենսդրական դաշտը: 

 

Այցի ընթացքում հանդիպում է տեղի ունեցել ԵՄ բարձրագույն կրթության ազգային գործակալության և ռեկտորների խորհրդի ներկայացուցիչների հետ: ԿԳՆ պատվիրակության այցի շնորհիվ հայկական կողմը հնարավորություն է ստացել գերմանական փորձը համադրել ՀՀ բարձրագույն կրթության համակարգի հետ: 

 

Ձեռքբերված փորձը կնպաստի բարձրագույն կրթության քաղաքականության մշակման և Հայաստանի բարձրագույն կրթության համակարգում առավել արդյունավետ մեխանիզմների ներդրման գործին:

 

Աղբյուրը՝ Edu.am