Տառահանդես

Արճիսի միջնակարգ դպրոցի առաջին դասարանը (դասվար Ս. Մկրտումյան) հրաժեշտ տվեց Այբբենարանին: Միջոցառումը շատ բազմաբովանդակ էր: Աշակերտները ողջունեցին հրավիրվածներին, ծնողներին և ուսուցիչներին, ապա շնորհակալական խոսք հղեցին Մեսրոպ Մաշտոցին հայոց գրերը ստեղծելու համար: Աշակերտների խոսքը սահուն էր և գրագետ, իսկ դահլիճը ձևավորված էր շատ գեղեցիկ ու միջոցառմանը համահունչ: Աշակերտներին Այբբենարանն ավարտելու կապակցությամբ շնորհավորելու էին եկել նաև իրենց ծանոթ հեքիաթի հերոսները: Վերջում աշակերտները բեմադրեցին Հ. Թումանյանի «Կիկոսի մահը» հեքիաթը: