Կմեկնարկի «Վերածնունդ» միջազգային մրցույթ-փառատոնը

Մրցույթ-փառատոնի հիմնական նպատակն է խթանել դասական, ազգային երաժշտության զարգացումը, հաստատել նոր ստեղծագործական կապեր տարբեր ազգերի երաժիշտ-կատարողների միջև, այլազգի արվեստագետներին հաղորդակից դարձնել հայ մշակույթին, գեղարվեստական կրթության ոլորտում իրականացնել գիտամանկավարժական փորձի փոխանակում: 

 

2016 թվականին «Վերածնունդ» մրցույթ-փառատոնին մասնակցելու հայտ է ներկայացրել ավելի քան 3000 մասնակից: Մրցույթները կանցկացվեն 5 տարիքային խմբով և 18 անվանակարգով: 

 

Փառատոնի շրջանակում կանցկացվի «Մշակույթների երկխոսություն» միջազգային 10-րդ գիտաժողովը: Կմասնակցի շուրջ հինգ տասնյակ գիտնական Հայաստանի և արտերկրի հեղինակավոր բուհերից, գիտական կենտրոններից ու թանգարաններից:

 

Աղբյուրը՝ Mincult.am