Մենք քեզ հետ ենք, հա՛յ զինվոր

Ապրիլի առաջին օրերից Հովտաշատի միջնակարգ դպրոցի ուսուցչական և աշակերտական կոլեկտիվն իր գյուղի և բոլոր զինվորների կողքին էր: Ինչպես ամբողջ հայ ժողովուրդը, մենք էլ հեռվից ուժ էինք տալիս մեր տղաներին: Հայտարարեցինք «Օգնե՛նք սահմանին կանգնած հայ զինվորին» և հաջորդ օրը մի ամբողջ դասարան լցվեց և՛ հագուստով, և՛ սնունդով, և՛ հիգիենայի պարագաներով: Աշակերտներն այդ ամենն այնքան սիրով էին տեղադրում արկղերում, այնքան միասնական: Հասկացանք, որ սա հայի ոգին է: Նժդեհի, Մոնթեի, Վազգենի ոգին է ոտքի հանել մեզ ու հավաքագրել մի ազնիվ ու սուրբ գործի՝ հայրենիքի պաշտպանության: