Ցուցահանդես՝ Սևանի Խ. Աբովյանի անվան ավագ դպրոցում

Աշխատանքները մեկը մյուսից հետաքրքիր ու գեղեցիկ էին: Աշակերտները աշխատել էին փայտով, գույնզգույն թելերով ու թղթերով և ստեղծել հրաշալի, ուրույն աշխարհ: Աշխատանքները ներկայացված էին ըստ տեսակների` գոբելեն, մաքրամե, ասեղնագործություն, կարպետագործություն, փայտամշակում, սպասքադրում, դիզայն:

Այնքան նուրբ ու ճաշակով էին ընտրված գույները, այնքան համահունչ էր ամեն ինչ, որ ամբողջ օրվա ընթացքում աշակերտներն ու ուսուցիչները մոտենում էին և հիացմունքները չզսպելով` գնահատանքի խոսքեր ասում:

Այսքանով չվերջացավ մեր ուսուցիչների և աշակերտների կատարծ գործը. ժամը 15:00-ին կազմակերպել էին նաև միջոցառում, որտեղ ներկայացրին աշխատանքի կարևորությը, պարեցին, ասույթներ արտասանեցին աշխատանքի և արհեստների մասին: Իսկ վերջում հաճելի անակնկալ էին պատրաստել. ներկա բոլոր ուսուցիչներին բաժանեցին իրենց պատրաստած նվերները: