Նախարարի անակնկալ այցն Աշտարակի ավագ դպրոց

Նախարարը մի քանի րոպեով ընդմիջել է 12-րդ դասարանի 5-րդ դասաժամը, զրուցել աշակերտների հետ, որոնք պարզ և անմիջական մթնոլորտում խոսել են դպրոցն ավարտելուց հետո իրենց անելիքների և այս պահի դժվարությունների մասին:

 

Դպրոցի տնօրեն Մարինե Սուքիասյանի հետ քննարկման ժամանակ ՀՀ կրթության և գիտության նախարարը նշել է, որ այս փուլում, երբ հանրապետության մանկավարժական կազմի հետ ակտիվ քննարկումներ են ծավալվում ավագ դպրոցի զարգացման ծրագրերի ուղղությամբ, շատ կարևորում է ինչպես առկա խնդիրների վերհանումը, այնպես էլ դպրոցներից ստացվող առաջարկները: 

 

Դպրոցի տնօրեն Սուքիասյանը ներկայացրել է ավագ դպրոցին վերաբերող խնդիրներ, որոնց առնչվել է իր աշխատանքի ընթացքում, մասնավորապես` կրթական ծրագրերին, մասնագիտական կողմնորաշման ավագ դպրոցների կրթական ծրագրերին, ավագ դպրոցի և ՄԿՈՒ հաստատությունների միջև ձևավորված մրցակցային հարաբերություններին: 

 

Աղբյուրը՝ Edu.am

Լուսանկարը՝ Panorama.am