Միջոցառում՝ Հ.Կարապետյանի անվան միջնակարգ դպրոցում

Դասվար Սուսաննա Աղաբեկյանի կողմից կազմակերպված միջոցառումները մշտապես լի են հայրենասիրությամբ և սեփական հողին ամուր կպած լինելու ոգեշնչմամբ: Միջոցառման ընթացքում հնչեցին համաշխարհային ճանաչում ունեցող գրողների և հրապարակախոսների այն մտքերը, որոնք նվիրված էին հայերին, ինչպես նաև մեր գրողների, պատմաբանների, արվեստագետների գովերգումն ու փառաբանումը մեր սուրբ մայրենիի:

Միջոցառման վերջում լույս տեսավ «Հայերենով է, որ հայը պիտի հայ մնա» խորագրով դպրոցական թերթը, որն անակնկալ էր ողջ կոլեկտիվի և ծնողների համար:

Հիրավի նման միջոցառումները խթանում են հայրենիքի, մայրենի լեզվի նկատմամբ սերն ու նվիրվածությունը, իսկ դա ամենակարևոր որակներից մեկն է հայրենիքի համար ճիշտ մարդ դաստիարակելու գործում: