Միջոցառումներ ՝ նվիրված Ծաղկազարդին և Սուրբ Հարության տոնին

Հայ առաքելական եկեղեցին մարտի 20-ին նշեց Ծաղկազարդի տոնը: Աբովյանի Ն.Վանյանի անվան N5 հիմնական դպրոցի 2-րդ ,6-րդ դասարանների աշակերտները դասվար Ն.Մելքոնյանի, դասղեկներ Հ.Արամյանի, Ն.Մադոյանի, Հայոց եկեղեցու պատմության ուսուցիչ Ա.Սողոմոնյանի և դպրոցի ուսմասվար Ռ.Հարությունյանի ուղեկցությամբ այցելեցին Սուրբ Հովհաննես եկեղեցի , իսկ մարտի 24-ին ՝ Սուրբ Հարության տոնին ընդառաջ, VIբ դասարանում Հայոց եկեղեցու պատմության ուսուցիչ Ա.Սողոմոնյանը կազմակերպեց միջոցառում: Միջոցառումն սկսվեց Տերունական աղոթքով: Զատկի տոնը նշում են աշխարհի բոլոր քրիստոնյա-հավատացյալները, և ամենուր այն նշվում է յուրատեսակ ավանդույթներով: Երեխաները պատմեցին,թե Հայ առաքելական եկեղեցին և հայ ընտանիքներն ինչպես են նշում Զատիկը: Զատկի տոնին հայերը ձու են ներկում, ձուն համարվում է հարության և նոր կյանքի սկզբնավորման խորհրդանիշ. երեխաները պատրաստել էին զատկական ուտեստներով սեղաններ:Երեխաները ներկայացրին Սուրբ Զատկի իմաստը,խորհուրդը,հանդես եկան տոնին համահունչ ծիսական երգերով:Զատկի տոնի ամենասպասված պահը «ձվակռիվն » է: Միջոցառումն ավարտվեց տոնական մեծ խանդավառությամբ: Դպրոցի տնօրեն Է.Եղիազարյանը շնորհավորեց բոլորին տոնի կապակցությամբ՝ մաղթելով բոլոր ընտանիքներին համերաշխություն և սեր , Տերը կենդանի լինի բոլորի հոգիներում և սրտում: