Դեպի հանրապետական օլիմպիադա

Ամփոփվել են 2016 թվականի փետրվարից մեկնարկած դպրոցականների առարկայական օլիմպիադաների մարզային փուլի արդյունքները: Վանաձորի Ա. Պուշկինի անվան № 4 հիմնական դպրոցից օլիմպիադայի մարզային փուլին մասնակցել են 9 Ա դասարանի աշակերտներ Թինա Հովհաննիսյանը «Հայոց եկեղեցու պատմություն» և Հակոբ Մանջյանը «Անգլերեն լեզու» առարկաներից: Ցուցաբերելով լավագույն արդյունք՝ Հակոբ Մանջյանն անցել է հաջորդ՝ հանրապետական փուլ և արժանացել պատվոգրի մարզպետի կողմից: 2016 թվականի մարտի 9-ից 24-ը անցկացվեց հանրակրթական դպրոցների 6-րդ դասարանի աշակերտների համար նախատեսված «Ընթերցման օլիմպիադա-2016»-ի մարզային փուլը: Բազմաքանակ երեխաների միջից հանրապետական փուլ անցած 3 աշակերտներից մեկն է Վանաձորի Ա. Պուշկինի անվան № 4 հիմնական դպրոցի 6 Ա դասարանի աշակերտուհի Ռիմա Պետրոսյանը, որը լավագույն ձևով է ներկայացել օլիմպիադային: Դպրոցի տնօրինությունը և ամբողջ կոլեկտիվը շնորհավորում են Հակոբ Մանջյանին և Ռիմա Պետրոսյանին և ցանկանում են հաջողություններ՝ հանրապետական փուլում բարձր մրցանակների արժանանալու համար: