Սուրբ Հարության տոնին նվիրված միջոցառում

Երեկ Երասխի միջնակարգ դպրոցի երրորդ դասարանի աշակերտները դասվար Լ.Աղաջանյանի գլխավորությամբ կազմակերպել էին միջոցառում նվիրված Սուրբ Հարությանը: Միջոցառումը մեծ խորհուրդ էր պարունակում: Տոնին նախապատրաստվելու համար երեխաները նախապես ցորեն էին ցանել, Զատկական թեմայով բացիկներ և պաստառներ պատրաստել: Ուսուցչուհու գլխավորությամբ դահլիճը զարդարվել էր ուռենու ճյուղերով և Զատկի տոնը խորհրդանշող նկարներով: Միջոցառումը սկսվեց տերունական աղոթքով և մոմավառությամբ: Երեխաները արտասանեցին, երգեցին, պարեցին, նաև փոքրիկ թատերականացված ներկայացում բեմադրեցին: Այնուհետև այս ամենին հաջորդեց ձվախաղերը և ժողովրդական ասույթները: Միջոցառմանը ներկա էին Արարատի Սուրբ Հակոբ եկեղեցու հոգևոր հովիվ Տեր Դավիթ քահանա Սահակյանը, Արարատի տարածաշրջանի ՔԴԿ պատասխանատու Մինաս Հովակիմյանը, ուսուցիչներ, ծնողներ: Տեր Հայրը վերջում օրհնեց աշակերտներին: Միջոցառումը ուներ ճանաչողական նշանակություն, այն հայեցի դաստիարակության, պատմական անցիալը իմանալու, գնահատելու, սովորելու տեսակետից հրաշալի դաս էր և հարստացրեց մանկական մաքուր ու ջինջ ներաշխարհը: