Այցեր դպրոցներ առանց զգուշացումների

«Խորհրդակցության ընթացքում կփորձենք ևս մեկ անգամ քննարկել դպրոցների խնդիրները, առարկայական ծրագրերն ու անելիքները: Բոլոր քննարկումները հրապարակային են լինելու»,-նշել է Լևոն Մկրտչյանը:

 

ԿԳ նախարարն ասել է նաև, որ ինքը ևս կարիք ունի լինելու դպրոցներում ու գոնե շաբաթը մեկ անգամ առանց զգուշացման այցելելու է որևէ դպրոց: «Ոչ թե պատժիչ խնդիրների լուծման համար, այլ հասկանալու ուսուցիչներին և ծնողներին հուզող խնդիրները: 

 

Կփորձենք ինչ-որ ձևով ձևակերպել բոլորիս՝ հանրակրթությանը հուզող հիմնահարցերը: Կա երեք շերտ՝ աշակերտ-ծնող-ուսուցիչ: Յուրաքանչյուր շերտն ունի իր խնդիրները և  կփորձենք հասկանալ, թե որոնք են պրոբլեմները, որից հետո քայլ առ քայլ գնալ դրանց լուծմանը»,- ասել է Լևոն Մկրտչյանը:

 

Նախարարը նշել է նաև, որ ուսուցիչներն ունեն սոցիալական մեծ խնդիրներ, ծնողները դժգոհում են, որ երեխաների ծանրաբեռնվածությունը մեծ է՝ տարիքին ոչ համապատասխան: Այս և նման խնդիրները պետք է քննարկեն խորհրդակցության ժամանակ:

 

Աղբյուրը՝ Panorama.am