Միջոցառում՝ «Մեր մեծերը» խորագրով

Միջոցառմանը ներկայացվեցին Արշակ Չոպանյանի, Գևորգ Չորեքչյանի, Նիկոլ Աղբալյանի և Վիլյամ Սարոյանի կյանքն ու գործունեությունը: Ներկայացվեցին ոչ միայն նրանց հայրենանվեր ու հայապահպան գործունեությունը, քաղաքական կամքն ու պետականության նկատմամբ տածած սերն ու նվիրումը, այլև փոքրիկ բեմականացումների միջոցով` նրանց կերպարները:

Հնչեցին հայրենասիրական երգեր, ցուցադրվեցին վավերագրական ֆիլմերից հատվածներ: Միջոցառման դաստիարակչական բնույթն  դահլիճում ներկա գտնվող ծնողներին, աշակերտներին ու մանկավարժներին ակամայից համակել էր հայրենասիրության ոգով: