Գրական վիկտորինա՝ « Թումանյանը մեզ հետ է , մեր մեջ » խորագրով

Ստեփանավանի Հովհաննես Թումանյանի անվան ավագ դպրոցում ավանդույթ է դարձել Մեծն Լոռեցու ծննդյան օրն նշել հետաքրքիր և հիշարժան միջոցառումներով : 2016թ. – ի փետրվարի 23 – ին ավագ դպրոցի X – XII դասարանների աշակերտները մասնակցեցին գիտական վիկտորինայի՝ նվիրված անմահ բանաստեղծի ծննդյան 147 – ամյակին : Այն անցկացվեց ինտելեկտուալ խաղ – մրցույթի ձևով ՝ և նախատեսված էր 4 փուլերով : Նախօրոք կազմված թիմերը ընտրել էին անվանում , կարգախոս : Մրցույթի I փուլի հարցերը վերաբերում էին Մեծն Թումանյանի կենսագրությանը , II փուլում ընդգրկված էին հարցեր Թումանյանի գրական – հասարակական գործունեությունից , III փուլում ստուգվում էր ստեղծագործությունների իմացություն , իսկ IV փուլում թիմերը հանդես էին գալիս ձեռքի հետաքրքիր աշխատանքներով ՝ ընտրված թումանյանական թեմաներով :Մրցույթն ընթացավ թեժ պայքարի և ակտիվ մրցակցության պայմաններում : Ժյուրիի անդամները մեծ դժվարությամբ կարողացան որոշել հաղթող թիմի անունը : Միջոցառման մասնակիցները , դպրոցի աշակերտները և հյուրերը անմոռանալի տպավորություններ ստացան և ՛ փուլերի միջև ներկայացված երգ ու պարից , ասմունքից , և՛ թիմերի սպառիչ պատասխաններից : Հետաքրքիր , ուսանելի , բովանդակալից և գիտական այս միջոցառումը կազմակերպել էին հ. լեզվի և գրականության ուսուցչուհի Վ. Սուքիասյանը և փոխտնօրեն Ռ. Չիբուխչյանը :