«Գեղարքունյաց Ձմեռ 2016»

Արդեն երկրորդ տարին է, որ ավանդույթ դարձած փետրվարի 20-ին Զովաբեր գյուղի Ե. Չարենցի անվան միջնակարգ դպրոցում առողջ ապրելակերպի շրջանակներում նշվում է «Գեղարքունյաց ձմեռ» մարզամշակութային միջոցառումը: Միջոցառմանը նախապատրաստվում են 1-12-րդ դասարանների աշակերտները՝ տարբեր մարզաձևերով և խաղերով: Դպրոցի այգում, մարզահրապարակում աշխույժ մթնոլորտն ու երաժշտության հնչյունները միախառնելով՝ օրը դարձնում են տոնական ու ոգևորող: 1-4-րդ դասարանների աշակերտները պատրաստում են - ձնեմարդ, 5-7-րդ դասարանի աշակերտները - ձնագնդի նետում, սահնակներով մրցում, 8-12-րդ դասարանների աշակերտները - պարան ձգում, ծանրություն բարձրացնում: Յուրաքանչյուր խաղ, մրցույթ խրախուսվում է՝ պատվոգրերով, նվերներով: Այդ աշխատանքներին անմասն չի մնում համայնքը: Համայնքի ղեկավար Սամվել Եսայանի անմիջական մասնակցությամբ և պատրաստած նվերներով ոգևորվում և խրախուսվում են դպրոցականները: Ստացած մրցանակները պարտավորեցնում են լինել ավելի ակտիվ, ավելի պատրաստված, իսկ երաժշտության ախորժալուր հնչյունները տարածվելով ժամ առ ժամ համախմբեց բազմաթիվ մարդկանց: Իրենց պարային կատարումներով հիացրեցին գյուղի պարի խմբի սաները, որոնք հենց մեր աշակերտներն են: