Մեկնարկել է «Հայացք» երիտասարդական կինոփառատոնը

Երիտասարդ ստեղծագործողները փառատոնի շրջանակներում հնարավորություն կունենան պայքարելու լավագույն ռեժիսոր, լավագույն օպերատորական աշխատանք, լավագույն ֆիլմ, լավագույն մտահղացում, հանդիսատեսի համակրանք անվանակարգերում:

Լավագույն ֆիլմերը կընտրի պրոֆեսիոնալ ժյուրին։ «Հանդիսատեսի համակրանք» անվանակարգում հաղթողին կորոշի հանդիսատեսը՝ փառատոնի կայք էջում համապատասխան քվեարկությամբ։

Կինոփառատոնին ներկայացված բազմաթիվ հայտերից կընտրվի և կցուցադրվի 25 աշխատանք։ Ֆիլմերը, որոնք կցուցադրվեն, բազմաժանր են։ «Հայացք» կինոփառատոնի նպատակն է երիտասարդությանը հնարավորություն ընձեռել կինոյի լեզվով ինքնաարտահայտվելու իրենց հուզող, հետաքրքրող, զարմացնող ու ոգևորող երևույթների ու գաղափարների մասին: Այն նաև հիանալի հնարավորություն է երիտասարդներին իրենց ստեղծագործությունները մեծ էկրանից հանդիսատեսին ներկայացնելու համար:

Մուտքն ազատ է:

Աղբյուր՝ www.panarmenian.net