Առանձնահատուկ պարգև ԿԳ նախարարի կողմից

Այցի ժամանակ նախարարը դիտել էր նաև դպրոցականների լուսանկարչական աշխատանքների ցուցահանդեսը, որի ընթացքում առանձնակի տպավորվել էր 9-րդ դասարանի աշակերտ, ներառական կրթության ծրագրում ընդգրկված Էդմոնդ Հովհաննիսյանի լուսանկարներից:

 

Դպրոցում նախարարին պատմել էին, որ Էդմոնդի երազանքը լուսանկարիչ դառնալն է և նա շատ է ուզում պրոֆեսիոնալ ապարատ ունենալ: Նախարարը խոստացել էր օգնել այդ հարցում: Էդմոնդն ու նրա ուսուցիչներն օրերս հրավիրվել էին ՀՀ ԿԳՆ՝ ստանալու խոստացված նվերը: 

 

ԿԳ նախարարը համոզմունք հայտնեց, որ Էդմոնդը կդառնա բարձրակարգ մասնագետ և անպայման մի օր կլուսանկարի նաև նախարարին և նախարարության միջոցառումները: 

 

Հանդիպման ավարտին նախարարն ու դպրոցականը պայմանավորվեցին, որ դասարանի ավարտական միջոցառումը կնկարահանվի այդ լուսանկարչական ապարատով և Էդմոնդն առավել հաջողված լուսանկարներից կտրամադրի նաև նախարարին:

 

Աղբյուրը՝ Edu.am