Ամանորը տարբեր երկրներում (մաս 1)

Հայաստան 

 

Ամանորը հայերը նշել են օգոստոսի ամսին, և կոչվում էր Նավասարդ: Ամանորը հայկական դիցարանում նոր տարին անձնավորող աստվածն էր ու համարվում էր «նոր պտուղների ամենաբեր»։ Այս աստծո տոնն ու պաշտպամունքը կատարվում էր հայոց նոր տարվա օրերին՝ Նավասարդին:

 

Ավստրիա

 

Ավստրիայում Ամանորն անվանում են նաև սբ. Սիլվեստրի տոն: Գալիք տարին հաջող է համարվում այն ավստրիացու համար, ով Ամանորի գիշերը կլսի սբ. Ստեփանի հրապարակից եկող «Խաղաղության զանգերի» հնչյունները: 

 

Հոլանդիա

 

Հոլանդիայում ամանորյա սեղանի զարդը չամիչով քաղցրաբլիթն է: Երեխաները հավատում են, որ այդ քաղցրավենքն իրենց բերում է սպիտակ քուռակը: Քնելուց առաջ նրանք իրենց կոշիկի մեջ դնում են գազար և չոր խոտ, որպեսզի առավոտյան փոխարենն ստանան չամիչով քաղցրաբլիթը:

 

Շվեդիա

 

Ամանորին Շվեդիայում ընդունված է միմյանց մոմեր նվիրելը։ Նվերի ընտրությունը պատահական չէ. լույսն ընկերության, բարյացակամության և ուրախության խորհրդանիշն է։ Այստեղ Ամանորի տոնակատարությունն սկսվում է նրանից, որ հայրիկները տնից դուրս են բերում աղբը, և վերադառնում են Յուլ Տոմտենի՝ Ձմեռ պապու կերպարանքով։

 

Արգենտինա

 

Արգենտինացիների համար Ամանորն ընտանեկան տոն է և առանձնահատուկ իրադարձություններով աչքի չի ընկնում, սակայն կա մի ավանդույթ, որին յուրաքանչյուր տարի հետևում են այս երկրի բնակիչները: Այսպես, աշխատանքային վերջինի օրը տարբեր կազմակերպությունների աշխատակիցները պատուհաններից դուրս են նետում հին գիչները, մատիտները, անպետք փաստաթղթերը և այլն:

 

Բիրմա

 

Եթե Ամանորը որոշել եք անցկացնել Բիրմայում, ապա պետք  է պատրաստ լինեք ջրվելու: Միմյանց ջրելով՝ այս երկրի բնակիչները փոխադարձաբար շնորհավորում և երջանկություն են մաղթում: