Միջոցառում՝ Հ. Շիրազի անվան ավագ դպրոցում

Միջոցառումը բովանդակալից էր: Միջոցառման ընթացքում աշակերտները երգի ու ասմունքի միջոցով ներկաներին փոխանցեցին անցյալի պատմության ամենաարյունալի էջերը` հիշելով ցեղասպանությանը զոհ գնացած մեր մտավորականներին և ազգային գործիչներին:

Երաժշտական համարները լցված էին ոչ միայն սգո և ողբի, այլև հույսի ու լավատեսության նոտաներով: Աշակերտների խոսքը գեղեցիկ էր և հուզիչ: Դահլիճում թևածում էր հայրենասիրության, պատվախնդրության և վրեժի ոգին: Միջոցառման ընթացքում հնչեցին հրեշավոր ոճրագործության դեմ բողոքի և պատմական արդարությունը  վերականգնելու պահանջի կարգախոսներ:

Միջոցառման ավարտին մասնակիցները շարժվեցին դեպի գյուղի կենտրոնում կառուցված հուշաքար` հարգանքի տուրք մատուցելու Մեծ եղեռնի անմեղ զոհերի հիշատակին, խնկարկելու և մոմավառություն կատարելու: