ԴիջիԿոդ ծրագրավորման պատանեկան մրցույթի հայտերի գրանցումը երկարաձգվել է

Մրցույթի շրջանակում աշակերտները կաշխատեն Scratch (Աղվես) ծրագրավորման լեզվով և ստեղծած խաղերը կբեռնեն Մասաչուսեթսի տեխնոլոգիական ինստիտուտի (MIT) կայք:  Scratch-ը  MIT-ի մշակած գրաֆիկական  ծրագրավորման միջավայր է:

 

Աղվես-ը  Scratch ծրագրի հայաֆիկացված և նոր մոդուլներով համալրված տարբերակն է, որը ռոբոտաշինության և ինժեներական խմբակ-լաբորատորիաների աշակերտները կիրառում են  նաև ռոբոտներ ծրագրավորելիս: 

 

Լավագույն խաղերի հեղինակներին սպասվում են դրամական պարգևներ, դասընթացներ, ճամբարի ուղեգրեր, սարքավորումներ, ռոբոտաշինության դետալներ և պրակտիկայի հնարավորություն ՏՏ ընկերությունում: Մասնակցության հայտն անհրաժեշտ է լրացնել կայքում: 

 

ԴիջիԿոդ կիրառական ծրագրավորման պատանեկան մրցույթն անց է կացվում 2-րդ անգամ: Մրցույթը զարգացնում է դպրոցականների ալգորիթմային մտածողությունը, աշակերտների ստեղծարարությունը, երաժշտական ճաշակը, օտար լեզուների իմացությունն ու շփման ունակությունները: 

 

Սա բացառիկ հնարավորություն է, որի շնորհիվ միավորվում են ծրագրավորմամբ հետաքրքրվող Հայաստանի և արտերկրի դպրոցականներն ու համատեղ խաղեր ստեղծում վերոնշյալ ինստիտուտի կայքում: Մրցույթը բացահայտում է նաև տաղանդավոր երեխաներին և պայմաններ նախապատրաստում հետագայում նոր ընկերություններ ստեղծելու համար: