Կիրականացվեն գիտակրթական նոր ծրագրեր

Ողջունելով հյուրերին` նախարարը շնորհակալություն է հայտնել համագործակցության համար, նշելով, որ Հայաստանը գիտության և նորարարությունների զարգացման ոլորտում կարևորում է բոլոր հնարավորությունները:

 

Ընդգծելով, որ Հայաստանի քաղաքական առաջնահերթություններից մեկը գիտության ոլորտի միջազգայնացումն է, ԿԳ նախարարը նշել է, որ 2016 թվականից Հայաստանը միանում է Եվրոպական միության Հորիզոն 2020 ծրագրին, որը ԵՄ գիտական ֆոնդերից օգտվելու լրացուցիչ հնարավորություն է:

 

«Մեզ համար առաջնային խնդիր է գիտական մրցունակ ծրագրերի իրագործումը, ինչպես նաև երիտասարդ գիտական կադրերի պատրաստումը»,- նշել է Ա. Աշոտյանը և հավելել, որ ցանկացած միաջզգային համագործակցության ձևաչափ, եթե այն վերջնարդյունքում կարող է նպաստել նաև գիտական նախագծի առևտրայնացմանը, ընդունելի է:

 

ՄԳՏԿ տնօրենն իր հերթին նշել է, որ իրենք հետաքրքրված են Հայաստանի հետ գիտատեխնիկական ոլորտի համագործակցության զարգացմամբ: Հանդիպման ընթացքում անդրադարձ է եղել համատեղ գիտական ծրագրերի բնագավառներին և ֆինանսավորման մեխանիզմներին, համագործակցության ձևաչափերին:

 

Աղբյուրը՝ Edu.am