Միջոցառում <<Հերացի>> ավագ դպրոցում` ականավոր քիմիկոսի կյանքի ուղին

ԵՊԲՀ <<Հերացի>> ավագ դպրոցում տեղի ունեցավ միջոցառում՝ նվիրված մեծ գիտնական, մանկավարժ, քիմիկոս, երկու տասնյակից ավել դասագրքերի և շտեմարանների հեղինակ, մանկավարժական գիտությունների ակադեմիկոս՝ Լիդա Արշակի Սահակյանին: Միջոցառումը կազմված էր երկու մասից, առաջին մասը նվիրված էր մեծ գիտնականի կյանքի ուղղուն և գիտամանկավարժական գործունեությանը: <<Հերացի>> ավագ դպրոցի քիմիայի ուսուցչուհի՝ Սոնա Սիմոնյանը, ներկայացրեց մեծ գիտնականի կյանքի և գիտական գործունեության կարևորագույն դրվագները: Այնուհետև դահլիճում ներկա աշակերտները,ուսուցիչները և հյուրերը իրենց հետաքրքրող հարցերը ուղղեցին Լ. Սահակյանին: Լ. Սահակյանը մեծ սիրով պատասխանեց բոլոր հարցերին՝ իրեն հատուկ ջերմությամբ ու հումորով: Միջոցառման երկրորդ մասը <<Վարպետաց դաս>> էր: Դասի թեման էր՝ <<Ստանդարտ էլեկտրոդային պոտենցիալների շարքը>>: Այն անցկացրեց մեծ գիտնականը իրեն յուրահատուկ ինտերակտիվ մեթոդներով: Դասախոսության ընդացքում Լ.Սահակյանը երեխաներին ուղղեց բազմաթիվ պրոբլեմահարույց հարցեր և միասնական ուժերով տրվեցին պատասխաններ: Դասը շատ հետաքրքիր էր և ուսուցանող՝ հատկապես ուսուցիչների համար:Բոլոր ներկաները դահլիճից դուրս եկան գիտելիքներով հարստացած և բարձր տրամադրությամբ: