Սպորտլանդիա

Հոկտեմբերի 9-ին և 19-ին Ստեփանավանի N 2 հիմնական դպրոցում տեղի ունեցան արդեն ավանդական դարձած սպորտլանդիաներ 4-րդ <<ա>> և 4-րդ <<բ>>, 2-րդ <<ա >> և 2-րդ<< բ>> դասարանների <<Արևիկ>>- <<Աստղիկ>> և <<Արծվիկ>>- << Կաքավիկ>> թիմերի միջև: Սպորտլանդիաները սկսվեցին թիմերի ողջույնի խոսքերով, որից հետո թիմերը չափեցին իրենց ուժերը <<Գնդակի փոխանցում գլխի վրայով>>, <<Ցատկ օղակների մեջ>>, <<Գալարաձև վազք զույգերով>>, << Հարված նշանակետին>>, << Աշնանային ծառի զարդարում>>, <<Էստաֆետ գնդակներով>>, <<Անցում թունելով >>, <<Ցատկ ցատկապարանով>>, <<Հրոցի>>, <<Նոր դիրքեր>>, <<Էստաֆետ <<Հայաստան>> մրցաձևերում: Սպորտլանդիաները վարում էր այդ գործում հմտացած 8-րդ <<ա>> դասարանի աշակերտուհի Մանե Վիրաբյանը: Աշակերտները ցուցաբերեցին ճարպկություն, ճկունություն, արագաշարժություն, դրսևորեցին էստաֆետային խաղի կանոններին տիրապետելու հմտություն: Ոգևորված էին և՛ թիմերը, և՛ հանդիսատեսը, և՛ մրցավարները, և՛ ժյուրին: Սպորտլանդիաների վերջում դպրոցի տնօրեն Լ. Հարությունյանը թիմերին հանձնեց ծնողների կողմից պատրաստված անակնկալները՝<<սպորտային>>տորթերը: