Գրադարանային շաբաթ Ջերմուկի Մ.Գորկու անվան թիվ 1 հիմնական դպրոցում

Տարրական դասարանների աշակերտները ներկայացրեցին Հովհաննես Թումանյանի ստեղծագործություններից: Նրանք բեմադրեցին «Կիկոսի մահը», «Անխելք մարդը», «Սուտասանը» հեքիաթները, ինչպես նաև Խնկո Ապոր «Պապն ու շաղգամը:

 

Պայմանավորված Հայոց ցեղասպանության 100-րդ տարելիցով՝ 5-ից 7-րդ դասարանի աշակերտները ներկայացրեցին արևմտահայ գրողներ Ռ.Սևակին, Սիամանթոյին, Դ.Վարուժանին: Նրանք ծանոթացրեցին գրողների կենսագործունեություններին և ընթերցեցին նրանց բանաստեղծություններից:

 

Այնուհետև միջոցառումը շարունակեցին 8-րդ և 9-րդ դասարանների աշակերտները: Նրանք ներկայացրեցին Մաքսիմ Գորկուն որպես գրող և հասարակական գործիչ: Աշակերտներն անդրադարձան Մ.Գորկու հուշերին, լսվեցին ասույթներ, ընթերցվեցին հատվածներ «Դանկո» և «Լարա» ստեղծագործություններից:

 

Վերլուծելով Մ.Գորկու կյանքը` աշակերտները կարողացան ներկայացնել հայ և ռուս ժողովուրդների դարավոր բարեկամությունը: