Թենիսի առաջնություն Սևանի Խ. Աբովյանի անվան ավագ դպրոցում

Թեժ պայքարում մրցանակակիրներ դարձան Լևոն Թադևոսյանը, Գագիկ Հայրապետյանը, Էրիկ Բարսեղյանը՝ զբաղեցնելով համապատասխանաբար առաջին, երկրորդ և երրորդ հորիզոնականները: 

 

Բարձրակարգ տեխնիկա ցուցաբերեցին Արթուր Հովսեփյանը, Դերենիկ Գրիգորյանը, Գարիկ Հովհաննիսյանը, Դավիթ Միանսյանը: Հաղթողներին և ակտիվ մասնակցություն ցուցաբերածներին պատվոգրեր և մրցանակներ հանձնեցին դպրոցի տնօրեն Լ.Մկրտչյանը և Ն.Դագարյանի անվան մարզադպրոցի տնօրեն Վ. Նիկողոսյանը: 

 

Միջոցառման ընդմիջումներն իրենց երգերով զարդարեցին դպրոցի աշակերտներ Տիգրան Զաքարյանը, Շուշան Բադալյանը, Օլգա Գասպարյանը և Սվետլանա Աբրահամյանը: Միջոցառումը մեծ բավականություն պատճառեց հանդիսատեսին և մասնակիցներին: 

 

Հաղթողներին շնորհավորեցին Ֆրանսիայից ժամանած Կարենը, Ռեմին և Լյուդվիգը, որոնք թեև տարբեր ազգությունից էին, տարբեր մշակույթի կրողներ, բայց համախմբվել էին շատ լուրջ ու մեծ գաղափարի շուրջ՝ պահպանել բնությունը, էկոլոգիան և առողջ լինել: Նրանք եկել էին Հայաստան էլեկտրական մարտկոցով  աշխատող «Տուկ-տուկ» անունը  կրող մեքենայով: