Մեկնարկել է երկօրյա գիտական նստաշրջանը

Մասնակիցները ինչպես ԵՊՀ, այնպես էլ տարբեր կրթական հաստատությունների նշանավոր գիտնականներ ու դասախոսներ են: Հաշվի առնելով նշանավոր գիտնականի 150-ամյակը՝ նստաշրջանը կրում էր «Աբեղյանական ընթերցումներ» խորագիրը:

 

Նախաձեռնության հեղինակներն ու իրականացնողները Հայ բանասիրության ֆակուլտետի հայոց լեզվի և հայոց լեզվի պատմության ամբիոններն են: Գիտաժողովին ներկա էին ԵՊՀ ռեկտոր Արամ Սիմոնյանը, տարբեր ֆակուլտետների դեկաններ, պրոֆեսորադասախոսական կազմի ներկայացուցիչներ, նշանավոր գիտնականներ և ուսանողներ:

 

Հատուկ հյուրի կարգավիճակով զեկուցումներն ունկնդրելու էր հրավիրվել նաև Մանուկ Աբեղյանի թոռնուհին՝ Հասմիկ Աբեղյանը: Վերջինս ներկայացրեց պապի մասին իր հուզառատ հուշերը:

 

Տիկին Աբեղյանը ողջունեց նաև գիտական նստաշրջանի անցկացման գաղափարը և հույս հայտնեց, որ ներկայացվելիք զեկուցումները կամբողջացնեն աբեղյանագիտության դերը հայոց լեզվի պատմության ու զարգացման մեջ:

 

Աղբյուրը՝ Ysu.am