Սահմանվել են հայ-գերմանական գիտության օրեր

Միջոցառման բացմանը ողջույնի խոսքով հանդես է եկել ՀՀ կրթության և գիտության նախարար Արմեն Աշոտյանը: Կարևորելով գիտության ոլորտի միջազգայնացումը՝ նախարարը հատկանշական է համարել, որ միջոցառումը կրում է «Հայ-գերմանական գիտության օր» խորագիրը, որը վկայում է երկկողմ հարաբերությունների արդյունավետությունը. 

 

«Ավելի քան 2200 ուսանող Գերմանական ակադեմիական փոխանակման ծրագրերով ուսանել է Գերմանիայի առաջատար բուհերում, զարգացրել է հայ-գերմանական կապերը հանրակրթության ոլորտում, ներկայումս քննարկվում է Հայաստանում գերմանական գիմնազիայի հիմնադրման ծրագիրը…»,-նշել է Ա. Աշոտյանը: 

 

Ըստ Ա. Աշոտյանի՝ համատեղ գիտական նախագծերի ֆինանսավորման լավագույն գործիքներից մեկն էլ ԵՄ «Հորիզոն 2020» ծրագիրն է, որի անդամակացության հայտ է ներկայացրել նաև Հայաստանը: 

 

«…Սա նշանակում է, որ մեր գիտնականների համար, եթե ասելու լինենք պատկերավոր, վճարելով էկոնոմ դասի արժեք, մենք ստեղծում ենք բիզնեսի դասի պայմաններով աշխատելու հնարավորություն»,-նկատել է նախարարը և կոչ արել միջոցառմանը ներկա գիտնականներին ակտիվ լինել և օգտագործել նոր ծրագրի հնարավորությունները: 

 

Աղբյուրը՝ Edu.am