Կնքվել է կրթամշակութային նոր հուշագիր

Նախարար Արմեն Աշոտյանը նշել է, որ կրթության և գիտության ոլորտում Սաքսոնիա-Անհալթ երկրամասի հետ համագործակցությունը եղել է կոնկրետ ծրագրերի շուրջ: 

 

«Նախ այն մի շարք դպրոցներում գերմաներենի խորացված դասավանդման ծրագրի` սերտիֆիկացված համակարգի ներդրումն է, ինչը շատ մեծ հաջողությամբ իրականացվում է: Երկրորդ կարևորագույն ձեռքբերումը աշակերտների, մասնագետների և տնօրենների փոխանակման ծրագրերն են: 

 

Ուզում եմ նաև նշել, որ նախորդ տարի Շտեֆան Դորգերլոհի հետ բանակցում էինք Հայոց Ցեղասպանության թեման երկրամասի դպրոցների դասարգրքերում ներառելու մասին, և այսօր իմ խորին շնորհակալությունն եմ հայտնում նրան իր անձնական հետևողականության և ներդրման համար…»,-նշել է Արմեն Աշոտյանը:

 

ՀՀ մշակույթի նախարար Հասմիկ Պողոսյանն էլ արդյունավետ համագործակցության համար շնորհակալություն է հայտնել Սաքսոնիա-Անհալթ երկրամասի մշակույթի և կրթության նախարար Շտեֆան Դորգերլոհին և հայ-գերմանական մշակութային կապերի զարգացման և Գերմանիայում հայ մշակույթի հանրահռչակմանը խթանելու համար վերջինիս պարգևատրել ՀՀ մշակույթի նախարարության ոսկե մեդալով:

 

«Կարող ենք հաստատել, որ բազմաթիվ ոլորտներում իրականացրել ենք շատ ծրագրեր: Երկու երկրների միջև առկա է միջդպրոցական համագործակցություն, հայ և գերմանացի աշակերտների փոխանակում է իրականացվում: Մշակութային ոլորտում էլ վերջին երկու տարիներին բազմաթիվ ցուցադրություններ են կազմակերպվել»,-նշել է նա:

 

Աղբյուրը՝ Edu.am